Është mbyllur ndeshja e basketbollit për Kombëtaret e meshkujve, Shqipëri 70-88 Portugali. Ndeshja kualfikuese për botërorin e 2023 ka folur për luzitanët, që kanë fituar me 18 pikë diferencë ndaj Kombëtares sonë. Në periodën e parë dhe të dytë loja ka folur për kundërshtarët, teksa në të tretën djemtë kuqezi kanë fituar me katër pikë diferencë.
Perioda e katërt sërish është kthyer në favor të Portugalisë, për rezultatin final 70 me 88. Kjo është humbja e dytë brenda pak ditësh për kuqezinjtë, që në 26 nëntor u mposhtën nga Bjellorusia 90 me 50. Kujtojmë se për shkak të Covid-19 kampionati i basketbollit në Shqipëri është pezulluar prej muajsh, me djemtë e Afrim Bilalit që nuk janë në aktivitet prej kohësh.
Shqipëri 70 – 88 Portugali ( 16-22, 21-26, 25-21, 8-19 )
Loading ...
