Lautaro Martinez është një nga lojtarët më kryesorë të skuadrës së Interit. Një “idhull” i tifozëve zikaltër, i cili me golat e tij ka ngritur peshë të gjithë tifozët që e kanë ndjekur. Por edhe pse është shumë i dashur për skuadrën dhe tifozët, “demi” nuk i ka shpëtuar syrit të drejtuesve pas derbit të humbur me Juventusin.
Martinez festoi ditëlindjen e partneres së tij Augustina Gandolfo në një diskotekë në Milano, por për fatin e keq, ditëlindja dhe festa erdhën pikërisht pas humbjes në derbi përballë Juves. Më shumë se sa festa, pasi kjo ishte e pashmangshme, sigurisht e organizuar përpara se të mposhteshin në Torino, drejtuesve të Inter nuk i kanë pëlqyer foto dhe videot të publikuara në rrjetet sociale, ku duket duke konsumuar alkool.
Martinez është thirrur menjëherë në Pinetina, ndërsa sipas “Corriere dello Sport”, i ka shpëtuar një gjobe të majme.
Lexo gjithashtu
