Lukas Podolski i ka dhënë sot fund karrierës së tij me kombëtaren e Gjermanisë. Sulmuesi që shënoi edhe në sfidën e tij të fundit me “panzerat” pikërisht në fitoren e sotme 1-0 kundër Anglisë ishte lojtari i vetëm që i kishte mbetur Gjermanisë nga ekipi me të cilin u përfaqësua në “Euro 2008”.
Të gjithë futbollistët e tjerë të skuadrës finaliste të atij Europian i ishin tërhequr. Gjermania humbi në finale kundër Spanjës, por ajo disfatë 1-0 i hapi rrugën një ekipi që u maturua dhe u mësua edhe me humbje, ndërsa arriti kulmin në “Brazil 2014”, ku Podolski, Shvajnshtaiger, Lahm e të tjerë ngritën lart Kupën e Botës.
Goli i shënuar sot nga Podolski në miqësoren kundër Anglisë mbyll një kapitull për Gjermaninë e “Euro 2008”, përfundimisht.
Loading ...
