Eneo Bitri ishte një tjetër largim i rëndësishëm i Partizanit në merkaton e janarit pas Xhulio Skukës. Kapiteni i kuq la Shqipërinë për të kaluar në Çeki te Barnik Ostrava mirëpo një dëmtim e ktheu sërish në kryeqytet por vetëm për terapi.
Herë pas here është shfaqur pranë skuadrës si fizikisht por edhe virtualisht me komente në faqen e klubit. Ditën e djeshme, Partizani kishte pubplikuar foto nga seanca stërvitore dhe foto kryesore ishte ekipi fitues në minindeshjen brenda ekipit.
Duke parë mungesën e Valentino Muratajt dhe Bruno Telushit në këtë mini-ekip, Bitri nuk ka nguruar t’i ngacmojë ish-shokët e tij me të cilët ruan një marrëdhënie shumë të mirë jashtë fushës.
“Më ka marrë malli t’ju shoh në foto”, komenton Bitri duke i bërë tag 2 lojtarëve. Ndërkohë që Murataj i është përgjigjur pak më vonë: Nuk fitojmë lojëra popullore ne.”
Lexo gjithashtu
