Futbollistët e Premier League kanë krijuar fondin #PlayersTogether (#Lojtarëtsëbashku) për të ndihmuar NHS (National Health Service- Shërbimi Shëndetësor Kombëtar) në betejën kundër Coronavirusit.
Lojtarët e Premier League janë duke mbledhur fonde për Shërbimin Shëndetësor Kombëtar (NHS) në këtë kohë të vështirë pandemie botërore, të cilat do tu shpërndahen atyre që do iu nevojiten më shumë.
Harry Kane, Jordan Henderson dhe Marcus Rashford dhanë një deklaratë në lidhje me iniciativën e quajtur #PlayersTogether, ku kanë bashkëpunuar dhe me NHS Charities Together (NHSCT).
"Gjatë javës së kaluar ne, si një grup lojtarësh të Premier League, kemi zhvilluar bisedime të shumta së bashku për krijimin e një fondi kontributi që të mund të shpërndahen aty ku duhen më shumë dhe aty ku kriza e Coronavirusit do të prekë më së shumti, duke ndihmuar ata që luftojnë për ne në vijën e parë të NHS, si dhe fushat e tjera kryesore që do të nevojiten", thuhet në një deklaratë nga grupi.
Lexo gjithashtu
