Flamurtari zbret sot në fushë për të nisur një fazë seleksionuese njëjavore me futbollistë të rinj, ku trajneri Magani mund të zgjedhë ndonjë element cilësor, pasi do të testohen edhe të rinj kosovarë. Ndërkohë, po punohet edhe për afrimin e lojtrarëve me përvojë dhe me kualitet. Ka vështirësi, por zyrtarizimet pritet të bëhen shumë shpejt. Për krahun e majtë të mbrojtjes po synohet kthimi i Gledi Micit, i cili ka lënë kujtime shumë të mira për vlonjatët, për aq kohë sa ka veshur fanellën e Flamurtarit. Mici është aktualisht lojtar i Kukësit, ku kaloi me dakordësinë e klubit vlonjat, ndaj dhe mund të ketë sërish një marrëveshje për kthimin e tij si kuqezi. Mici është një nga lojtarët më të mirë të krahut në Superligë.
Poll
Lexo gjithashtu
