Flamurtari në basketboll për femra është shpallur kampione e Shqipërisë. Vajzat vlonjate janë treguar të sakta në tre përballjet kundër Partizanit, duke i mundur në tre takime homologet nga kryeqyteti.
Sfida e tretë dje në Vlorë u fitua pastër 94:58 nga vajzat e trajneres Elona Hasanaj, duke siguruar titullin numër 24 në basketboll. Skuadra kuqezi ka dominuar sezonin, duke qenë më mirë se rivalet.
Pas vitit 2000 në basketbollin e femrave Flamurtari ka një dominim të dukshëm në vendin tonë, teksa në përbërje ka edhe basketbolliste të huaja. Trofeu i djeshëm u dorëzua nga kreu i Federatës së Basketbollit, Avni Ponari.
Loading ...
