Duket se ajo fitore e Juventusit në minutat e fundit mbrëmë kundër Interit me shifrat 2-3 në 'San Siro' i ka 'këputur këmbët' ekipit të Napolit. Të kaltërit u mposhtën në momentin më kulminant të sezonit në Serie A duke humbur me rezultatin 2-0 përballë Fiorentines në transfertën e Firences.
Një humbje që e çon në katër pikë diferencën me Juven dhe tashmë titulli kampion ngelet vetëm një ëndërr për ekipin e Sarrit. Ai që ishte një hero javën e kaluar në Torino përballë Juves do shndërrohej në një protagonist për keq për Napolin sot. Koulibaly do ndëshkohej me të kuq që në minutën e 8-të të takimit, gjë që do e bënte më të lehtë rrugën e fitores së vjollcëve.
Ai që vendosi gjithçka me tre golëshin e tij ishte Giovanni Simeone. 'Cholito' shënoi në minutat 34 , 62 dhe 94 dhe ndoshta Juventus duhet ti japë një falenderim djaloshit argjentinas për titullin kampion që duket se tashmë ka marrë rrugën për në Torino për të 7-tin vit rradhazi.
Lexo gjithashtu
