Kosova është ende në përgjigje të përgjigjeve nga FIFA për lojtarët që presin të aktivizohen me të drejta të plota me fanellën e saj. Deri në këtë moment janë miratuar kërkesat për dy futbollistë, ndërsa mbeten dhe nëntë të tjera në shqyrtim.
"Reuters" është interesuar për këtë çështje rreth kombëtares më të re në botën e futbollit, ndërsa përgjigja e marrë është: “Aplikimet e ndryshme aktualisht janë në pritje të shqyrtimit dhe po hetohen. Si rrjedhojë, nuk jemi në gjendje që të komentojmë më tej në këtë çështje, e as të japim ndonjë afat për këtë".
Lojtarët që kanë dërguar kërkesë në FIFA për të luajtur për Kosovën janë nga shtete të ndryshme, ku secili ka çështje të ndryshme për t'iu bërë pranimi. Ndaj, FIFA ka kërkuar kohë që të marrë në shqyrtim dokumentacionin dhe të vendosë me të gjitha kompetencat.
“Rrethanat specifike të çështjes në fjalë që kanë të bëjnë me pranimin e një anëtari të ri në FIFA dhe lojtarët potencialisht të pranueshëm për të, duket se nuk janë të rregulluara përfundimisht nga statuti i FIFA-s. Ne jemi duke i marrë për bazë të gjitha faktet relevante dhe specifike të çështjes”, deklaron FIFA për "Reuters".
Enis Alushin dhe Albert Bunjaku janë dy lojtarët e parë që iku është aprovuar kërkesa dhe mund të luajnë të hënën me Kosovën, ndërsa FIFA mban ende në pritje nëntë lojtarë të tjerë si: Amir Rrahmani, Samir Ujkani, Alban Meha, Milot Rashica, Herolind Shala, Valon Berisha, Sinan Bytyçi dhe Vedat Muruqi.
Lexo gjithashtu
