Partizani do të luajë ditën e nesërme ndeshjen derbi ndaj Tiranës. Në konferncën për shtyp ditën e sotme ka folur dhe trajneri Skënder Gega. Në fjalimin e tij Gega deklaroi:
"Tirana ka problametika e tyre dhe nuk është puna jonë të analizojmë punët e tyre. Shpresoj që tifozët të gëzohen dhe nesër shpresoj që të na mbështesin, por ndeshjes nuk i dihet.
Janë 3 mungesa të rëndësishme, por edhe nesër shpresoj që lojtarët që janë në dispozicion të bëjnë maksimumin. Është e njëjta dhe të gjithë që do hynë në fushën e lojës do të bëjnë punën e Asanit, Telushit apo dhe Mensah.
Tradita është mirë të vazhdohet dhe nuk mund të zbuloj arkivat. Sot jemi pranë një finale. Kanë ngelur dhe 4 ndeshja dhe Partizani duhet ta finalizoj këtë punë dhe të ngrej trofun për sezonin e mirë që ka bërë.
Do kisha dëshirë që tifozët "Guerrils" të ishin më shumë tifozë. Nesër kam besim se do të jenë nga e gjithë Shqipëria dhe ne e kemi njerë pranin e tyre.
Unë personalisht e di që kampionati nuk ka mbaruar akoma. Çunat janë stërvitur shumë dhe nesër do bëjmë ndeshjen e radhës dhe ne do të bëjë maksimumin siç kemi bërë në çdo ndeshje.
E rëndësishme është se ne jemi profesionist dhe uroj që të mos ketë paragjykime. Ne duhet të jemi të qetë. Çdo ndeshje duhet menaxhuar situata që nga minuta e parë e deri në 90. Shpresoj të mos dënohemi me gjëra anësore.
SHpresoj që çdo njeri që është në fushë të shënoj gol. Shpresoj që gol të shënoj dhe Alban Hoxha. Keni qenë dëshmitar që në ditën e parë që kam ardhur këtu nuk kemi premtuar kampionat, por një skuadër të mirë dhe që luan Fair Play.
Presioni i Tiranës është i Tiranës dhe nuk na takon ne të flasim. Shpresoj që presioni të mos jetë te ne. Gaz Demi është një president me zëmer të madhe dhe në tortën e festës do të ketë pjesë për të gjithë. Kur të jetë momenti i festës do të jetë me dyer të hapur për të gjithë, por më parë të përfundojmë ndeshjen dhe më pas të mendojnë për festën.
Kam lexuar lajmet për Belicën dhe Asanit, por sot janë të Partizanit dhe nesër nuk i dihet. Të përfundjmë kampionatin dhe pastaj të mendojnë për këto gjëra. Sot nuk kemi asnjë emër në tavolinë dhe të mbyllim ndeshjet e kampionatit dhe pastaj urgjentisht do të flasim për lojtarët".
Lexo gjithashtu
