Fati është kundër Zlatan Ibrahimovic. Duket se dëmtimet e njëpasnjëshme po i tregojnë suedezit se ndoshta ka ardhur koha mbase edhe të varë këpucët në gozhdë. Vetëm pak javë pasi u rikthye në fushën e lojës, Ibra ka marrë një tjetër dëmtim.
Në nxehmjen që po bënte për duelin me Leçen, sulmuesi ka marrë një dëmtim në pulpën e djathtë. Ky dëmtim e detyron lojtarin të qëndrojë larg fushës së blertë për një kohë të gjatë dhe rrjedhimisht mund të ketë mbyllur edhe sezonin.
Nuk dihet ende koha që do t’i duhet për t’u rikuperuar por gjasat janë që 41-vjeçari të ketë mbyllur sezonin aktual.
