Incidenti mes dy makinave të Ferrarit që u larguan nga gara për shkak të përplasjes së dy pilotëve, ka nxitur reagimin e shumë njerëzve të këtij sporti. Së fundmi, është kampioni i botës, Jacques Villeneuve i cili i ka konsideruar dy pilotët e "kokëkuqes" fajtorë.
Në prononcimin e tij për "Sky Italia", ai ka deklaruar: "Vettel dhe Leclerc lejohen të garojnë me njëri-tjerin, por nuk duhet të abuzojnë me lirinë që u jepet. Sipas mendimit tim, ata janë të dy fajtorë.
Leclerc ishte shumë agresiv, ndërsa Vettel nuk duhej të vepronte në atë mënyrë kur parakaloi shokun e skuadrës. Të dy gabuan. Ishte e panevojshme sepse po luftonin për vendin e tretë. Mendoj se donin t'i tregonin të gjithëve se kush është më i miri", ka përfunduar ai.
Poll
Lexo gjithashtu
