Mbrojtësi brazilian, Dani Alves, beson se Kylian Mbappe është një lojtar më i kompletuar se sulmuesi i Borussia Dortmund. Barça do futet në verë me objektivin për të kryer një investim gjigand dhe mbrojtësi i tyre e ka thënë fjalën e fundit.
Mbrojtësi katalanas nuk mendon se ja vlen të shpenzohet shumë para në afrimin e Erling Haaland, por tregon se shpenzimi i shumave të mëdha do ja vlente për sulmuesin e PSG-së. “Mbappe është më i kompletuar si lojtar në krahasim me Haaland në gjithë aspektet e lojës. Nuk do të bëja investime të çmendura për Haaland. Sinqerisht, nuk do shpenzoja shumë para për të. Do shpenzoja shumë për Mbappe, por jo për Haaland. Nëse do të bësh një investim gjigand, duhet ta bësh në mënyrën më të mirë. Nëse do varej nga unë, do vendosja bast për Mbappe”, tha blaugranasi Alves.
Dy sulmuesit janë më të përfolurit momentalisht në botën e futbollit dhe disa skuadra pritet të konkurrojnë në verë për nënshkrimin e tyre. Barça mendohet të futet në garë për afrimin e ndonjërit dhe ky mendim i mbrojtësit të tyre duket i vlefshëm.
Lexo gjithashtu
