Rezultatet zhgënjyese të Gjermanisë në këto kualifikuese në prag të Kampionatit Europian që do të mbahet në vitin e ardhshëm, kanë tërbuar në masë opinionin publik, me trajnerin e skuadrës Hansi Flick i cili po përballet me kritika të vazhdueshme për perfomancën e dobët në ndeshjet e fundit.
Për këtë arsye, ndërkohë ka reaguar gazeta gjermane "BILD" që titullin e nis me një thirrje për ndihmë, drejtuar trajnerit aktual të skuadrës së Liverpool, Jurgen Kloop, për t'i shpëtuar në misionin Euro 2024.
Në këtë titull të gazetës, shkruhet gjithashtu se bordi editorial i kësaj gazete ka kërkuar që drejtuesit e Federatës Gjermane të Futbollit të vihen në lëvizje për ta bindur teknikun që të ulet në stolin e Kombëtares. Megjithatë, përpjekjet nuk pritet të jenë të lehta, me Klopp i cili ka një kontratë deri në vitin 2026, të zgjatur vitin e kaluar.
Lexo gjithashtu
