Interi e mbylli sezonin futbollsitik me një humbje në finalen e Champions League. Gjithsesi zikaltërit largohen me kokën lart teksa dhanë gjithçka në fushën e lojës. Pas përfundimit të ndeshjes, nuk mungojnë mesazhet e lojtarëve dhe një ndër to është edhe Krisjtan Asllani. Mesfushori shqiptar ka ndarë një status në rrjete sociale ku e cilëson këtë vit si të paharrueshëm dhe ndihet krenar që është zikaltër. “Një vit që më dha emocione që nuk do t’i harroj kurrë. Faleminderit të gjithëve që na shoqëruat në këtë udhëtim të pabesueshëm.  Krenar që jam zikaltër. Faleminderit djema!” Gjithsesi, pushimet nuk kanë ardhur ende për Asllanin teksa do t’i hipë avionit për t’u rikthyer në Shqipëri, aty ku do të përgatitet për dy ndeshjet e Kombëtares përballë Moldavisë dhe Ishujve Faroe, më 17 dhe 20 qershor.

 

View this post on Instagram

 

A post shared by Kristjan Asllani (@kristjanasllani)