Emiliano Shehaj drejt firmës në Kategorinë e Parë greke

Mesfushori 27-vjeçar, Emiliano Shehaj, i cili sezonin e shkuar ishte pjesë e Elbasanit në Kategorinë e Parë, ka nisur të stërvitet me klubin Acharnaikos që militon po në Kategorinë e Parë të futbollit grek. Ish-lojtari i Luftëtarit, Apolonisë dhe Bylisit është shumë pranë akordit, ndërsa është parë gjatë ditëve të fundit në stërvitje me klubin helen.

Ai luan në të dy krahët e mesfushës dhe ka premisa që të qëndrojë në skuadrën e qytetit të Athinës. Shehaj po vijon provën dhe pritet që pas pak ditësh të përcaktohet e ardhmja e tij.