Lajme të mira për Milanin dhe trajnerin Pioli. Qendërmbrojtësi Alessio Romagnoli është rikuperuar nga Covid-19. Italiani ishte infektuar disa ditë më parë me virusin, por ditën e sotme ka rezultuar negativ në testin e bërë dhe do të bashkohet nesër me skuadrën në stërvitje.
Kuqezinjtë do të luajnë sot ndaj Spezia në orën 18:30, por Romagnoli do ta shikojë sfidën nga tribuna dhe vetëm nesër do të stërvitet me skuadrën. Lajmi është konfirmuar nga Milani përmes një postimi në rrjetet sociale.
“AC Milan njofton se Alessio Romagnoli rezultoi negativ në testin për Covid-19. Alessio është shëruar dhe nesër do të jetë në dispozicion të stafit teknik”, shkruan klubi.
Official Statement: Alessio Romagnoli https://t.co/1tCXSucGGF
— AC Milan (@acmilan) January 17, 2022
Comunicato Ufficiale: Alessio Romagnoli https://t.co/S6mS8FZkTn#SempreMilan pic.twitter.com/sFi4Y9xt0E