Edhe Flamurtari po bën lëvizje konkrete në merkaton e verës. Klubi vlonjat afroi së fundi dy mesfushorë tëe huaj, Radoviç nga Mali i Zi dhe Iinuma nga Japonia, ndërkohë që ka konfirmuar një pjesë të mirë të titullarëve të sezonit të fundit, si dhe ka marrë Astrit Fazliun nga Partizani që në fillim të merkatos. Dy blerjet e reja dolën të enjten në stërvitje me Flamurtarin, ku ra në sy edhe prania e një futbollisti tjetër të huaj. E vetmja gjë që u mësua për të ishte se është brazilian dhe që po provohet, sepse detajet e tjera askush nuk dinte t’i jepte. Trajneri Magani do ta shohë disa ditë për të vendosur, nëse është apo jo i vlefshëm për skuadrën e tij.
BUSHIÇ – Trajneri Magani pret ndërkohë edhe “fiksimin” e tij, sulmuesin Tomislav Bushiç, që e ka pasur edhe te Tirana. Në skuadër ka qëndruar përfundimisht braziliani Alvesh, por duhet edhe një sulmues tjetër me përvojë.
Lexo gjithashtu
