Të gjithë ata që që e kanë parë ndeshjen e kthimit mes Kukësit dhe Sherif Tiraspol luajtur dje në mbrëmje kanë ndjerë keqardhje për eleminimin e kampionëve të Shqipërisë. Dy gola të shënuar në pjesën e parë, një i pësuar në të dytën dhe në total, rezultati i përgjithshëm është fiksuar në 2-2. Goli i shënuar në fushën kundërshtarë i ka dhënë moldavëve kualifikimin. Në takimin e parë fituan përballë Kukësit 1-0 ndërsa në “Elbasan Arena” u mundën 2-1.
Penallti e humbur, dy shtylla, shumë volum loje dhe raste për t’u mbajtur shënim, por fati nuk ishte me kampionët e Shqipërisë dje. Kukësi meritoi të kualifikohej. Nëse pak kohë më parë presidenti Safet Gjici premtoi se e ardhmja e trajnerit por dhe të shumë lojtarëve varej nga kualifikimi në Champions, tani gjërat duhet të ndryshojnë.
Trajneri Gjoka meriton absolutisht një tjetër mundësi për të vijuar punë. Skuadra u përgjigj mjaft mirë në fushë, tentoi dhe besoi tek kualifikimi për t’a merituar atë. Fati nuk donte.
Gjoka edhe pse në aventurën e parë në Champions e bëri Kukësin të luante si superior përballë një ekipi me shumëfishin e buxhetit të Kukësit. Lojtarët pasi fituan titullin provuan të bënin diçka të madhe në Europë. Nuk ja dolën por meritojnë të provojnë sërish në vitin e ardhshëm.
Lexo gjithashtu
