Egnatia do të luajë ditën e sotme në transfertë përballë Partizanit, ndeshjen e cila është e vlefshme për javën e 22-të të “Abissnet Superiore”. Supersfida që do të zhvillohet në stadiumin “Arena e Demave” do të startojë në orën 16:00.
Pavarësisht momentin të mirë që Egnatia po kalon, duke mbajtur vendin e parë me plot 10 pikë diferencë nga Partizani i vendit të dytë, rrogozhinasit e kanë shumë të vështirë në transfertë përballë “Demave”. Skuadra e Egnatias nuk e ka mposhtur kurrë Partizanin në kryeqytet.
Por edhe fitoren e fundit ndaj Partizanit, Egnatia ka plot 460 ditë pa e provuar. Më 30 tetor të vitit 2023, ishte fitorja e fundit që rrogozhinasit morën ndaj “Demave”. Egnatia asokohe e drejtuar nga Shpëtim Duro, fitoi me rezultatin 3-0 në stadiumin “Arena Egnatia”.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
