Real Madrid fitoi në “frymën” e fundit përballë Barcelonës në “El Clasicon” e parë zyrtare të këtij sezoni. Në ndeshjen e zhvilluar në stadiumin “Estadio Olímpico”, madrilenët tirumfuan me rezultatin 1-2.
Pas kësaj sfide, para mediave ka dalë duke folur trajneri i Barcelonës, Xavi.
“Ne dominuam 60 minuta, por ky është futbolli. Reali me tri ose dy raste e gjysmë shënoi dy gola. Na mungonte efektiviteti. Loja dhe ajo që ishte planifikuar shkoi mirë. Ne e meritonim ta fitonim ndeshjen”, u shpreh trajneri katalanas.
-A jeni i kënaqur me lojën?
“Edhe barazimi për ne do të ishte dështim. Kur dukej se mund të shënonim golin e dytë, mbërriti krosi fatkeq. Një rezultat shumë i keq, por, në aspektin e lojës, ishte një hap përpara.”
- Penalltia e padhënë për Araujon?
“Nuk e kam parë, por sot nuk humbëm për shkak të arbitrit. Humbëm sepse nuk ishim efektivë. Morëm një humbje të pamerituar”.
Lexo gjithashtu
