Superliga Europiane merr goditjen finale. Mediat në Angli kanë zbuluar ditën e sotme një letër të presidentit të PSG-së, Nasser Al-Khelaifi që është edhe presidenti i ECA (Shoqata e Klubeve Evropiane).
Në këtë letër, Al-Khelaifi shkruan se janë afër marrëveshjes prej 15 miliardë euro për 3 sezone, pra 5 miliardë euro në vit duke nisur nga 2024-27 dhe do të ndahen mes protagonistëve. ECA ka gjetur marrëveshjen me Sëiss Team Marketing dhe Relevent Sports, të cilat do të shesin përkatësisht të drejtat televizive në tregun evropian dhe atë amerikan e do të rrisin me 40% të ardhurat e klubeve pjesëmarrëse.
“Klubet do të jenë partnerë të barabartë me UEFA-n dhe kjo do të maksimizojë vlerën kolektive dhe uljen e kostove. Eca dhe UEFA së bashku kanë arritur më shumë sesa do të kishin marrë veçmas dhe për këtë arsye i gjithë futbolli europian është më i fortë”, shkruan Al-Khelaifi duke i dhënë kështu goditjen finale Superligës Europiane. Nëse këto marrëveshje do të zyrtarizohen, ëndrra Superligë për klubet që e organizuan do të marrë fund dhe shumica e ekipeve të tjera pritet të pranojnë këtë ofertë të ECA dhe UEFA që do të rrisin së tepërmi të ardhurat e tyre.
Që nga sezoni 2024, UEFA Champions League nuk do të jetë më njësoj si tani, por do të luhet me një format ndryshe. Skuadrat nuk do të jenë më 32 klube të ndara në 8 grupe, por do të jenë 36 dhe do të luajnë 10 ndeshje, njësoj si kampionati zviceran. Tetë vendet e para në ligë do të kualifikohen automatikisht në fazën me eliminim direkt, ndërsa skuadrat që përfundojnë në vendin e nëntë deri në vendin e 24-të do të garojnë në një play-off me dy ndeshje për të siguruar rrugën e tyre për në 16-shen e fundit të kompeticionit, kurse ekipet që përfundojnë pas vendit të 24-të do të eleminohen.
Lexo gjithashtu
