Boksieri turk-gjerman Musa Askan Yamak, i cili ishte i pamposhtur në 75 ndeshje në karrierë, ka vdekur pasi u rrëzua në ring gjatë një ndeshje të dielën në Mynih. 36 vjeçari pësoi atak në zemër në raundin e tretë, duke mos mbijetuar.
Në sfidën e peshës 84 kg kundër Hamza Wandera, Musa Yamak nuk ia doli të zhvillojë raundin e tretë duke u rrëzuar në tokë. Ndërhyrja e menjëhershme e stafit mjekësor dhe dërgimi me urgjencë në spital nuk e kanë risjellë në jetë 36 vjeçarin.
Yamak u bë kampion i Evropës dhe Azisë në peshën e lehtë dhe të rëndë në Federata Botërore e Boksit (WBF) dhe Unioni Global i Boksit (GBU). Ai ishte i pamposhtur në 75 luftimet e tij profesionist.