Dashuria për skuadrën e zemrës është e madhe, por shpesh herë nuk njeh kufi. Ka tifozë që janë të “marrosur” pas ekipit të tyre dhe nuk kursejnë as lojtarët. Gabimet në futboll janë të pranishme, e aq më tepër kur je në presion.
E tillë është edhe për sulmuesin e Hellas Veronas. Thomas Henry kishte fatin t’i dhuronte skuadrës së tij 1 pikë në duelin ndaj Interit, takim që u fitua nga zikaltërtit 2-1. Pavarësisht se Henry barazoi shifrat përkohësisht 1-1 sërish pas humbjes së penalltisë ka përfunduar duke u kritikuar nga tifozët.
Madje këto të fundit e kanë kërcënuar me jetë sulmuesin e Hellas Veronas, teksa ka qenë vetë lojtari që e ka bërë të ditur diçka të tillë.
“Për të gjithë njerëzit që mendojnë se e njohin futbollin më mirë se kushdo tjetër dhe që fyejnë familjen time duke i uruar vdekjen, shpresoj që një ditë të gjeni paqen në jetën tuaj të vogël.
Gabimet janë pjesë e sportit dhe prandaj do të vazhdoj të punoj për të qenë më i mirë se më parë. Një ditë fiton, një ditë humb, një ditë shënon, një ditë gabon. Kjo është jeta ime si futbollist.
Jam krenar që kam mundur të shënoj golin tim të dytë në karrierë në ‘San Siro’ pas dëmtimit të ligamentit. Gjithmonë me kokën lart, gjithmonë përpara”, shkruan Henry.
Lexo gjithashtu
