Interi mori një fitore minimale 1-0 ndaj Atalantës në shtëpi. Zikatërit bën vetëm një gjuajte në portë që u kthye në gol nga Milan Skriniar. Në fund të ndeshjes për mediat italiane, trajneri i Interit, Antonio Conte u shpreh tepër I lumtur, ndërsa nuk mungua as batutat.
“Jemi sërish +6 pikë nga vendi i dytë. Milani dhe Juventusi i fituan ndeshjet e tyre dhe kishim njëfarë presioni sonte. Ama, e kemi të qartë që presioni do të vijë në rritje deri në fund të sezonit.
Atalanta është një ekip që i merr pikë të gjithë skuadrave të mëdha. Kanë barazuar me Juven dhe kanë mposhtur Interin. Ata e kishin përgatitur me shumë kujdes ndeshjen kundër nesh. Janë një ekip që të lëndon dhe i druheshim një gjëje të tillë. Sonte morëm tre pikë të rëndësishme kundër një kundërshtari të shkëlqyer, ia dolëm të nxjerrim Atalantën jashtë garës për titullin.
Më vjen mirë, pasi ata mund të synonin kreun, janë pjekur shumë dhe kanë zhvilluar ndeshje fantastike në Evropë. Atalanta ka lojtarë të një niveli shumë të lartë. E vërtetë, ne goditëm vetëm njëherë në portë. Jemi sulmi më i mirë i kampionatit, sot u ndeshëm me sulmin e dytë më të mirë. Kemi gjetur ekuilibrin e duhur, kjo është e rëndësishme.
Të mos harrojmë se kemi sulmin më të mirë dhe sot po luanim kundër sulmit të dytë më të mirë. Ne kemi gjetur ekuilibrin e duhur, lojtarët njohin fazat e ndryshme të lojës dhe vendosin se cilat zona të fushës do të sulmojnë. Në fillim të menaxhimit tim, ne gjithmonë shkonim përpara duke krijuar probleme për kundërshtarët, por pësonim shumë në mbrojtje . Hapi shtesë që bëmë këtë vit ishte ky , duke gjetur ekuilibrin e duhur.
Një copë Scudetto në xhepin tuaj? Nëse shikoj në xhep gjej 40 euro sepse i dhashë për t’i hedhur benzinë makinës dhe më mbeten 40 euro . Djemtë thonë se për të arritur në fund duhet të fitosh dhe me shumë sakrifica”, u shpreh Conte.
Loading ...
