Erzeni po punon me xhiro të shpejta për të përfunduar me ndërtimin e skuadrës për sezonin e ri. Teksa kanë mbetur vetëm 4 ditë nga nisja e Superiores, shijakasit kanë ende boshllëqe në organikë. Njëjtë si vitin e fundit, drejtuesit duket se do të provojnë të mbyllin gjithçka në kohë rekord.
Nën drejtimin e Alfred Deliallisit, në Tofik Jashari po stërvitet grupi me shumë fytyra të reja dhe më i fundit që pritet t’ju bashkohet do të vijë nga Argjentina. Federico Acosta është emri i piketuar nga klubi shijakas, mëson 'Futbolli në Shqipëri'.
27-vjeçari luan në qendër të mbrojtjes dhe gjatë karrierës ka provuar eksperienca në vendlinde, Gjibraltar, Itali e së fundmi në Maqedonia me AP Brera. Lojtari ka akord paraprak me Erzenin dhe pritet zyrtarizimi së shpejti. Në rrjetin e tij social Instagram, ai ka ndarë një foto ku tregon me figurina se do të udhëtojë nga Argjentina në Shqipëri.
Lexo gjithashtu
