Kristjan Asllani kaloi një sezon të vështirë te Interi teksa thuajse gjatë gjithë sezonit ndenji në stol. Minutat në fushë kanë qenë shumë të pakta duke bërë që shpeshherë të kthehet në çështje te Interi.
Përpara tij ka patur një rival shumë të fortë si Marcelo Brozovic por tani duket se do të “shpëtojë” nga kroati. Al Nassr është skuadra që i vjen në ndihmë shqiptarit teksa ka mbyllur thuajse gjithçka për transferimin e Brozovic në Arabi.
Mbeten vetëm detajet e fundit dhe në arkat e Interit do të hidhen 23 milionë euro. Zikaltërit nuk do ta zëvëndësojnë me një mesfushor defansiv kroatin por do të marrin një më të avancuar, si Frattesi apo Milinkovic-Savic. Pozicioni para mbrojtjes do t’i besohet Calhanoglus si titullar dhe Asllanit si zëvëndësues i parë.
Lexo gjithashtu
