Ditë të mira në kampin e Barcelonës teksa skuadra festoi titullin e 27-të kampion javën e fundit dhe ndeshjet e mbetura i luan vetëm për statistika. Për ta shtuar akoma më shumë gëzimin, klubi ka arritur akordin me një tjetër sponsor që do të sjellë më shumë të ardhura në arkë.
Katalanasit për 5 sezone duke filluar nga i ardhshmi do të kenë sponsor në fanellë kompaninë e madhe holandeze “Philips”. Një marrëveshje e firmosur ditën e sotme që do të zyrtarizohet në orët në vijim që i garanton katalanasve plot 56 milionë euro në këto 5 vite, 8 në sezonin e parë, 10 në të dytin, 12 në të tretin dhe të katërtin, 14 në të pestin.
Veç kësaj, Philips do të garantojë edhe instalimin e të gjitha televizorëve në stadiumin e ri “Spotify Camp Nou”. Emri i kompanisë do të stampohet në mëngën e fanelës së re që pritet të prezantohet së shpejti.
Lexo gjithashtu
