E hoqën si trajner i Teutës, Ahmataj: Nuk largohem!

Ish-trajneri i Teutës, Julian Ahmataj, ka folur për herë të parë pas shkarkimit të papritur që presidenti Hasanbelliu i bëri nga detyra, duke emëruar në vend të tij Gentian Begejën.

“Vendimi i takon presidentit dhe unë e respektoj atë. Gjithsesi fakti që jam larguar si trajner nuk do të thotë që do të largohem totalisht nga klubi i Teutës. Do jëm sërish pjesë e kësaj skuadre, por mbetet për t’u parë pozicioni. Unë e kam thënë që në emërim që isha trajner provizor pasi largimi i Maganit ishte i papritur. I uroj suksese stafit të ri”, ka thënë Ahmataj për “Panorama Sport”.