Besa e Kavajës ka bërë një sërë ndryshimesh në skuadër dhe staf gjatë periudhës së fundit kohore. U emërua fillimisht Stavri Nica, por ky i fundit brenda natës u transferua në Lezhë, ku firmosi për Besëlidhjen. Më pas, drejtuesit propozuan dhe emëruan Bekim Kulin në postin e trajnerit të skuadrës, ndërsa puna e tij zgjati 24 orë, atë tashmë e larguan.
Vendin e tij e ka marrë Ilirjan Berati, ndërsa nga burime të sigurta për “Newsport.al” pranë Bashkisë së Kavajës bëhet me dije nën zë se janë vetëm lëvizje partiake. Kuli përkrah një tjetër forcë politike, ndërsa bashkia drejtohet nga një tjetër. Duke qenë se bashkia aktualisht drejton ekipin financiarisht, edhe zgjedhjet iu takojnë atyre.
Sa i përket Bekim Kulit, ish-futbollisti i njohur i Dinamos, Partizanit, Besës, Shkumbinit dhe Bylisit, ai e ka pritur me qetësi këtë vendim dhe nuk është shqetësuar fare për situatën. Pritet që në ditët në vijim në pankinën e skuadrës kavajase të ulet Ilirjan Berati, i cili është dhe pjesë e bordit drejtues të Besës.
Loading ...
Leave a Reply
You must be logged in to post a comment.