Basketbolli në Kosovë po rritet me ritme galopante. Investimet që kanë bërë skuadrat e kanë kthyer kampionatin në një kompeticion shumë të fortë.
Njëra prej ekipeve më të mira Sigal Prishtina ka befasuar në merkato duke kthyer për herë të dytë veteranin Dardan Berisha. 30-vjeçari që ka përfaqësuar në të kaluarën Poloninë dhe më pas Kosovën, pasi u njoh në organet ndërkombëtare sportive kthehet te skuadra e zemrës pas një sezoni në Republikën Çeke.
Lajmi është dhënë nga vetë ekipi kryeqytetas.
Berisha ka fituar në karrierë 4 Superliga të Kosovës, Ligën Ballkanike.
" ZYRTARE: Dardan Berisha rikthehet në shtëpi!!!
Basketbollisti më i mirë shqiptar, Dardan Berisha, është rikthyer në shtëpinë e kampionëve, në klubin e tij të sukseseve, KB Prishtina.
Dardani pasi që shkëlqeu në Çeki duke fituar titullin dhe kupën me skuadrën CEZ Nymburk, radhën e ka të shkëlqejë përsëri tek Prishtina, ku me ardhjen e tij do të jemi një ekip më i kompletuar, i gatshëm për sfidat europiane që na presin, si i vetmi klub shqiptar pjesëmarrës në arenën ndërkombëtare.
Për Dardanin nuk kemi shumë se çfarë të themi pasi që të gjithë i njohim aftësitë e tij, sidomos bombardimet për tre pikë dhe depërtimet e pandalshme për kundërshtarët.
Me Dardanin dhe të tjerët Prishtina aspiron shumë më shumë këtë sezon.
MIRËSEVJEN NË SHTËPI, DARDAN!"
Lexo gjithashtu
