Ardhja e Kristiano Ronaldos te Juventus në merkaton që sapo u mbyll krijoi idenë e largimit të disa lojtarëve nga "Zonja e vjetër" për shkak të rritjes së tepërt të rivalitetit për vendin e titullarit.
Pjaniç dhe Dibala ishin të parët që u përfolën për një transferim të mundshëm larg Torinos, por të dy qëndruan, të paktën për momentin. Por për argjentinasin kjo mund të zgjasë shumë pak, me 24-vjeçarin që do largohet në janar nga Italia.
Këtë gjë e ka konfirmuar për mediat italiane Presidenti i Palermos Mauricio Zamparini i cili ka një njohje të ngushtë me lojtarin. "Ai do të largohet, sepse Juventusi dëshiron të fitojë 120 milionë euro prej tij. Në janar mendoj se do të largohet drejt Spanjës. Ai ka oferta nga Spanja dhe Anglia", ka thënë Zamparini, duke hedhur një bombë të vërtetë në merkato.
Lexo gjithashtu
