Klubi i Cadiz ka kërkuar nga CAS pezullimin e përkohshëm të La Liga. Kjo kërkesë e klubit spanjoll vjen si pasojë e një ndeshjeje të 16 janarit kur Cadiz u ndesh me Elche. Sfida e atëhershme përfundoi 1-1 me Elche që shënoi golin e barazimit me Ezequiel Ponce.
Goli i tij është kontestuar nga Cadiz, sepse ai shënoi pasi aksioni ishte pezulluar për një pozicion jashtë loje. Më pas arbitri e pa dhe njëherë në VAR dhe pezulloi pozicionin jashtë loje dhe quajti të rregullt golin.
Të nesërmen Cadiz paarqiti një ankesë në “Comite de Competicion”, i cili është organi i ngarkuar për të studiuar dhe vendosur për çdo problem apo incident gjatë ndeshjeve në futbollin spanjoll. Kërkesa e klubit andaluzian ishte që të luheshin sërish 9 minutat e fundit të lojës kur u shënua dhe goli i Elche.
Komiteti ishte i paaftë për ta zgjidhur këtë problem dhe prandaj Cadiz vendosi që të shkojë në CAS për të apeluar. Kërkesa e tyre në organin më të lartë të apelimit në Europë është që të pezullohet zhvillimi i përkohshmë i La Liga. Sipas tyre La Liga duhe të rifillojë kur t’i japi përgjigje problemit të tyre.
Lexo gjithashtu
