Nikol Merizaj ka vendosur dy rekorde të reja kombëtare. Në turneun “Acropolis Sëim Open”, notarja shqiptare ka shënuar sërish emrin në garat 50 metër stil i lirë si dhe 50 metër delfin.
Është vetë sportistja jonë që përmes një postimi në rrjetet sociale bën edhe dedikimin e ndjerë për gjyshin që fatkeqësisht nuk jeton më. Në “Facebook”-un e saj, ajo shkruan:
“Sukses pas suksesi! 13-15 maj, Acropolis Sëim Open, një garë tepër e vështirë me pjesëmarrjen e 15 shteteve mbaroi me sukses! 2 rekorde të reja kombëtare u vendosën nga unë në garat 50 metër stil i lirë 26.06 dhe 50 metër delfin, 27.7 metër. Sot, 16 maj ditëlindja e gjyshit tim, mjekut Esat Pashaj, i cili humbi jetën në detyrë për shkak të COVID 19.
Gjëja e parë që do të bëja ishte ta merrja në telefon, ta uroja e t’i bëja surprizë këto rekorde. E imagjinoj fytyrën e tij të qeshur duke më thënë sa i lumtur është. Sot në mungesë të tij çdo rekord dhe sukses i imi është dedikuar për të. Gjyshi, ëngjëlli im gëzuar ditëlindjen. Faleminderit për forcën që më jep!”
Loading ...
