Sot është zhvilluar gara e sportistëve shqiptarë M. Kaco dhe L. Hajredinaj, të cilët kanë marrë pjesë në disiplinën Ski Alpinë, kompeticion i zhvilluar në Turqi. Përmes një njoftimi në faqen zyrtare, Komiteti Olimpik Kombëtar i Shqipërisë bën me dije:
“Foto nga gara e sportisteve Shqiptare M.Kaco dhe L.Hajredinaj qe moren pjese ne disiplinen Ski Alpine – slalom gjigand – ne Festivalin Olimpik Rinor Europian qe mbahet ne Erzurum te Turqise. Pjesemarrja nuk ka qene aq me fat per sportistet tane pasi Lavderimi u rrezua gjate gares ndersa Mathieu ka realizuar zbritjen por kishte mare nje penalitet ne nje porte dhe per pasoje nuk eshte klasifikuar ne renditje. Sipas trajnerit Ervin Rota gara ishte shume e veshtire nga 62 piesmares perfunduan garen vetem 40.
Pavaresisht rezultatit, KOKSH i uron sportisteve te rinj qe te zhvillohen me tej dhe te sherbeje kjo gare per vijimin e karrieres sportive ne sportin e skive duke synuar Lojerat Olimpike te ardhshme Dimerore”.