Olsi Rama ka folur pas fitores 2-0 kundër Tiranës. Drejtori i përgjithshëm i Partizanit deklaroi për mikrofonin e Oversport:
“Sigurisht që janë ditë pune të zakonshme me problematikat e përditshme, me njerëzit që mundohen të ngrejnë nivelin e Partizanit. Pas humbjes me Vllazninë i kishim vënë vetes objektiv, që një ekip profesionist të bëjë, të tregojnë karakterin në fushë.
Titulli? E kam thënë gjithmonë që titulli është një objektiv i vogël. Ne duam një ekip që të fitojë në vazhdimësi. Ne kemi ndeshjet e radhës dhe llogaritë bëhen në fund. Nëse do të interpretojmë ndeshjet me këtë shpirt gare, në fund llogaritë besoj se do të dalin mirë. Në fakt është më lehtë të përgatitesh një derbi se sa një ndeshje me ekipe të vogla provinciale. Detyra jonë është t’i kujtojmë që janë profesionistë çdo ditë dhe çdo natë.
Rivalët? Klasifikimi e tregon vetë. Është një kampionat interesant. Ekipet mendojnë se ka ekipe të thjeshta, por humbin pikë. Tirana është me ne, është Egnatia, Vllaznia, mbase e kalon pak trenin Erzenin. Teuta po ngjitet. Janë skuadra që ta vështirësojnë jetën.
Gjykimi? Unë mundohem të jem sa më koherent. Dua të komplimentoj arbitrat sepse mbajtën një metër gjykimi. Pati faulle dhe u lejua një lojë burrërore. Nuk besoj se ka kontestime nga palët. Ky është një sukses për arbitrat. Në fund të ndeshjes duhet të jenë të padukshëm. Dua të shpresim një lloj besimi te klasa arbitrare, edhe ata duhen ndihmuar”, tha ai.
Lexo gjithashtu
