Gara për kreun e Federatës Shqiptare të Futbollit është bërë mjaft e nxehtë. Duka dhe Fino janë dy kandidatët potencialë për të dalë triumfues në zgjedhjet e 7 shkurtit.
Së fundmi, është deputeti i PS-së, Bashkim Fino i cili përmes një postimi në kanalin zyrtar në facebook kërkon të sqarojë platmorën e tij të gjithë "keqdashësit e futbollit", siç i quan ai.
"Sqarim për keqdashësit e futbollit
Pastërtia dhe drejtësia në futboll është pika më kryesore e platformës sime. Më vjen keq që për kaq vite është abuzuar me ilegalitet dhe shoqata fantazmë. Më vjen keq që për kaq vite është mashtruar një komunitet i tërë futbolli. Më vjen keq që disa persona kanë pretenduar në mënyrë joligjore që janë përfaqësues të disa organizimeve që merren me fëmijët. Me të ardhmen e vendit tonë.
Më vjen keq që disa figura të njohura të sportit janë keqpërdorur ligjërisht. Të gjithë këto figura të njohura të sportit kanë thënë njëzëri: - "Nuk dimë gjë për pjesën e regjistrimit dhe pjesën ligjore. Ato i ka marrë përsipër Federata". Drejtësia vonon, por nuk harron. Deri në fund, për një futboll të pastër dhe të ligjshëm.
Bashkim Fino", përfundon Bashkim Fino.
[gallery size="full" columns="1" ids="195192"]
Lexo gjithashtu
