Jeta dhe aktiviteti i tij i jashtëzakonshëm sportiv janë përjetësuar tashmë në një dokumentar, që është shfaqur për herë të parë të premten në Shkodër. Ish-futbollistit të madh të Vllaznisë, Partizanit dhe Kombëtares, Sabah Bizit, i është dedikuar një dokumentar 60-minutësh, i realizuar nga regjisori Osman Mula. Në ceremoninë e shfaqjes së këtij dokumentari në Shkodër kanë qenë të pranishëm shumë personalitete të sportit dhe jo vetëm. Mes tyre ishte edhe presidenti i FSHF-së, Armand Duka. Vetë Bizi është dukur tejet i emocionuar dhe i ka falënderuar përzemërsisht të gjitha ata që i kanë bërë këtë vlerësim special.
Poll
Lexo gjithashtu
