Jurgen Klopp do të largohet nga Liverpool në fund të këtij sezonit. Tekniku gjerman ka vendosur t’i japë lamtumirën “The Reds”, pas plot 9 vitesh, ku ka drejtuar ekipin në 464 sfida.
Tashmë shumë ekipe janë vënë në lëvizje, duke patur parasysh nivelin e trajnerit që Klopp është. Nga Italia dhe Gjermania janë ofertat kryesore, ku ekipe të mëdha janë të gatshme të ndryshojnë trajner për t’i besuar atë rol gjermanit.
Milan dhe Juventus janë ekipet italiane që me shumë mundësi në fund të sezonit nuk do të kenë trajnerët aktualë. Dhe Jurgen Klopp shihet si mundësi e “artë”. Ndëra pista më e mundshme është ajo e Bayern Munich. Rekordmenët gjermanë janë të gatshëm të rikthejnë 56-vjeçarin në Bundesligë, duke bërë dhe një sakrificë ekonomike duke rritur pagën e Klopp.
Ndërsa “dera” që Klopp ka mbyllur është ajo e një ekipi anglez. Gjermani nuk do të marrë në drejtim një ekip nga ishulli, pasi këtë e ka shprehur vetë. “Kurrë nuk do të drejtoj një ekip anglez tjetër, përveç Liverpool-it”, është shprehur Klopp.
Tashmë pritet të shihet se ku do të jetë e ardhmja e trajnerit të shumëdëshiruar, i cili ka si opsion edhe kombëtaren gjermane. Por gjithmonë pas përfundimit të Euro 2024.
Lexo gjithashtu
