Ish-kapiteni i Napolit, Lorenzo Insigne, është prezantuar te Toronto në Kanadanë e largët. Italiani pasi mbylli aventurën e tij me napolitanët, anësori italian mori vendimin për të “shtegtuar” larg Europës.
Në intervistën e tij të parë si lojtar i Torontos, Insigne tha: “Ishte e vështirë të largohesha nga Napoli. Unë jam 31 vjeç dhe nuk jam i vjetër, mund të qëndroja ende në Evropë, por gruaja dhe fëmijët janë të parët.
Është hera e parë që unë dhe familja ime largohemi nga Napoli. Që në ditën e parë që takova presidentin ai më foli shumë për këtë qytet, mezi prisja të vija, të takoja trajnerin dhe shokët e rinj.
Besoj se kam dhënë shumë për Napolin, kam humbur ndeshje apo trofe që më kanë lënduar, por nuk u dorëzova kurrë. Të jem I sinqertë, doja një sfidë të re. Ishte e vështirë, por kjo është jeta ime.
Napoli është larg nga këtu, por të them të drejtën ndihem si në shtëpi. Një zgjedhje jete edhe për fëmijët e mi, shpresoj që ata të kenë një të ardhme të shkëlqyer këtu.
Shumë mendojnë se kam ardhur këtu për para, por kjo ishte një zgjedhje kryesisht për familjen dhe fëmijët e mi. Unë nuk jam dakord që këtu nuk luhet futboll i vërtetë, erdha për të ndihmuar klubin të fitojmë trofe”, u shpreh Insigne.
We could get used to this 🤩 pic.twitter.com/2G38H99vLw
— Toronto FC (@TorontoFC) June 27, 2022
Loading ...
