Sulmuesi izraelit i Partizanit, Ben Azubel u afrua në këtë merkato verore te Partizani. Për 23-vjeçarin u tha që do të mbante peshën e sulmit, megjithatë një gjë e tillë nuk ka ndodhur pasi ai nuk është aktivizuar asnjëherë si titullar në Superiore. Pas ndeshjes me Korabin, mësohet se Azubel pati një përplasje me trajnerin Starova, ku kërkonte shpjegim se pse nuk ishte aktivizuar. Megjithatë trajneri i të kuqve e anashkaloi këtë moment duke i kujtuar atij që është njësoj si të gjithë të tjerët te Partizani.
Ditën e nesërme të kuqtë do të luajnë në transfertë kundër Besëlidhjes, ndeshje e vlefshme për turin e dytë të Kupës së Shqipërisë. Në këtë takim pritet që sulmuesi izraelit ta nisë si titullar duke qenë se trajneri Starova dëshiron t'i ruajë lojtarët për supersfidën ndaj Skënderbeut.
Lexo gjithashtu
