Kombëtarja shqiptare e futbollit po zhvillon në këto momente stërvitjen e fundit në Puskas Arena përpara ndeshjes me Hungarinë. Kuqezinjtë luajnë nesër në 20:45 në Budapest, për sfidën e shtatë në grupet kualifikuese të Botërorit Katar 2022.
Trajneri Reja nuk do ketë gati sulmuesin Balaj, që s'ia ka dalë të lërë pas dëmtimin muskular që e ka shoqëruar në ditët e fundit. Dilema e vetme e italianit është në sulm dhe në krahët e saj. Uzuni duket se është emri më I përfolur, me beratasin që ende nuk dihet nëse do luajë në krahët e mesit të fushës apo në sulm.
Gjithashtu një tjetër dilemë është nëse Manaj apo Broja do marrin një fanellë titullari. Me ekipin në Hungari ka udhëtuar edhe kreu I FSHF-së, Armand Duka, që ndodhet në stadium për stërvitjen gjenerale të kuqezinjve.
Lexo gjithashtu
