Ze Maria ka dalë në konferencë për shtyp një ditë para ndeshjes kundër Apolonisë. Ndër të tjera, trajneri brazilian ka folur për mbrojtësin e djathtë, Albi Dokën. Tekniku i bardhebluve zbuloi se i kishte kërkuar presidentit Refik Halili që mos ta shiste pasi ai duhet të punojë shumë për t'u rritur më shumë.
"Kur erdha fillimisht këtu, Albit i kishte hipur pak vetja në qef. Media e kishte përkëdhelur, klubi po ashtu. Ishte pjesë e Kombëtares së moshave dhe ishte i përkëdhelur. I thashë presidentit, mos e largo pasi ka ende punë për të bërë.
Ai ende s'ka arritur asgjë, i duhet shumë punë. Por, ai është si një diamant që duhet pastruar dhe dhënë formë. Jam i sigurtë që do të shkëlqejë", ka deklaruar në konferencën për shtyp trajneri brazilian.
Lexo gjithashtu
