Kategoria e Parë e futbollit është rikthyer te aktet e dhunës. Në ndeshjen e djeshme mes Shkumbinit dhe Dinamos përfunduar në barazimin 1-1, arbitri kryesor Sokol Bebja ka rënë preh e dhunës në fushën e lojës. Ka qenë një tifoz i identifikuar tanimë nga policia, që ka hyrë në fushë duke kryer aktin e dënueshëm.
Newsport.al mëson se autori është identifikuar nga forcat e policisë, duke u shpallur në kërkim nga blutë e Peqinit. Për momentin ende nuk ka asnjë të ndaluar, pasi agresori vijon të qëndrojë në arrati. Sipas ligjeve të reja për dhunën në sport, hyrë në fuqi fillimin e tetorit 2019, çdo akt dhunimi ndaj arbitrit apo zyrtarëve të tjerë për shkak të detyrës dënohet me burg deri në tre vite.
Poll
Lexo gjithashtu
