Danilo Alvesh u largua dje nga Flamurtari përmes një letre të hapur, ku shpjegonte arsyet se pse nuk do të jetë më pjesë e vlonjatëve. Ndërkohë sot ka ardhur "divorci" i radhës, ku është sulmuesi tjetër Ardit Shehaj që është larguar përfundimisht nga kuqezinjtë.
Përmes një mesazhi në Instagramin e tij, Shehaj shkruante: "Faleminderit Flamurtar... Faleminderit tifozëri vlonjate. Faleminderit të gjithëve për çdo gjë. Kam kaluar vite të bukura në Vlorë, të mira dhe të këqia qofshin ato. Çdo gjë ka një fund dhe tashmë nuk jam më pjesë e Flamurtarit. Kam dhënë maksimumin për këtë fanelë, me aq mundësi sa kam pasur. Çdo gjë e mbylla në mënyrën më të mirë, pa gjyqe.
Për këtë kanë meritë të veçantë njerëzit që janë aty dhe sepse e kam dashur me gjithë zemër këtë ekip. I uroj gjithë të mirat ekipit. Ishalla lart e më lart. Më mirë një fund me pak dhimbje, se sa një dhimbje pa fund. Edhe një herë Faleminderit të gjithëve", përfundon Ardit Shehaj në mesazhin e tij.
[gallery columns="1" size="full" ids="121932"]
Lexo gjithashtu
