Roberto Lewandowski u transferua nga Bayern Munichen te Barcelona në merkaton e verës mes shumë polemikave. Sulmuesi ka bërë një sezon të parë shumë të mirë në Spanjë, edhe pse gjatë gjysmës së dytë të sezonit ka pasur vështirësi. Ai është në rrugën e duhur për të siguruar çmimin “Pichichi”, duke lënë pas tij Karim Benzema.
Aktualisht, Lewandowski ka 29 gola për këtë sezon në të gjitha kompeticionet. Me pesë ndeshje të mbetura, ai do të kërkojë të shënojë edhe një tjetër në mënyrë që të arrijë kuotën e 30 golave. Sulmuesi polak mund ta arrijë këtë gjatë derbit të së dielës ku katalanasit do të përballen më Espanyol.
Sipas “Mundo Deportivo” duke shënuar 30 gola në një sezon ai mund të arrij të hyjë në historinë e klubit. Lionel Messi është lojtari që ka bërë më shumë herë (13), dhe Lewandowski do të shpresojë të arrijë momentin historik në sezonin e tij të parë te blaugranasit.
Barcelona gjithashtu mund të shpallet matematikisht kampione në rast se fiton në derbi. Lewandowski do të shpresojë të shënojë një gol për të arritur momentin e tij historik dhe individual në të njëjtën kohë.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
