Në Itali kanë nisur emocionet e derbit prej disa ditësh. Nesër në orën 18:00 e gjithë vëmendja do të jetë tek Inter dhe Milan, që do të sfidohen në kuadër të javës së 4-të të Serie A. Aktualisht të dyja ekipet vijnë me nga 9 pikë, ndërsa kjo sfidë do të vendosë edhe për liderin e ri të Serie A.
Yann Sommer do të luajë derbin e parë me fanelën e Interit, ndërsa thekson se kjo sfidë do të jetë unike për shkak edhe të rivalitetit që kanë dy ekipet mes tyre.
“Derbit janë shumë speciale, janë të tilla edhe në Gjermani apo Zvicër, por Inter-Milan është unik. Këtë sezon të dyja skuadrat janë me shumë kualitet në organikë, ndërsa sigurisht luhet edhe për prestigj, është një ndeshje që ka shumë rëndësi për Italinë. Mezi pres ta luaj këtë ndeshje, do të jetë drithërues.
Të gjithë janë gati dhe mezi presin orën për të zbritur në fushë. Është një ndeshje që vjen shpejt sa i takon kampionatit dhe gjithçka mund të ndodhë në vazhdimësi. Për titullin do të ketë edhe rivalë të tjerë, nuk është vetëm Milani. Nuk dua të pbëj parashikime mbi renditjen finale të sezonit”, ka theksuar 34-vjeçari.
Lexo gjithashtu
