Pas një nisjeje shumë pozitive të sezonit me Nicë-n në Francë, sulmuesi italian tashmë po përjeton një krizë të vërtetë.
Trajneri Lucien Favre e ka lënë jashtë listës të të grumbulluarve në 2 ndeshjet e fundit, por në drejtim të SuperMarios kanë ardhur kritika të shumta edhe nga shokët e skuadrës.
”Është më i forti por izolohet dhe mbyllet në vetvete, duhet të impenjohet më shumë në stërvitje dhe në ndeshje. Është një mëkat që ai nuk ka dëshirë të bëjë pothuajse asgjë sepse falë aftësive që zotëron mund të lërë shenjë në çdo ndeshje. Nuk flet fare me shokët e skuadrës është gjithnjë e më shumë i mbyllur. Shpresoj që ai mos jetë duke kaluar në depresion sepse kjo mund të sillte pasoja fatale për të dhe të tjerët. Nuk duam që ai t'i bëjë diçka të keqe vetes së tij dhe jemi duke i qëndruar pranë”, ka deklaruar shoku i skuadrës Eysseric.
Lexo gjithashtu
