Hapësire reklamuese

Çështjet kryesore

BOTA

"Conte është një nga trajnerët më të mirë", Eden Hazard "shokon" me deklaratën: Jam më i talentuar se Cristiano Ronaldo

Shkruar nga NEWSPORT
"Conte është një nga trajnerët më të

Eden Hazard është padyshim një nga legjendat e futbollit. Ish-sulmuesi i Chelseat dhe Realit “vari këpucët në gozhdë” verën e shkuar duke ndarë rrugët me lojën më të bukur në botë. Teksa në një intervistë të dhënë për “France Football”, Hazard flet për Antonio Conten, trajner të cilin e ka patur te Chelsea. Belgu thotë se Conte ishe shumë kërkuar dhe çdo ditë kërkonte më shumë.

Por një deklaratë shokuese nga Hazard është pasi ky i fundit shprehet se ka më shumë talent se Cristiano Ronaldo. Teksa më të talentuar se veten, Hazard shikon të tillë vetëm Leo Messin.

“Conte ishte shumë kërkues ndaj meje, çdo ditë më kërkonte më tepër. Është një nga trajnerët më të mirë në qarkullim dhe nën drejtimin e tij besoj se kam përjetuar edhe sezonin më të mirë të karrierës. Megjithatë, erdhi një moment ku nuk mund t’ia dilja më me stërvitjet e tij, ishin shumë të lodhshme dhe taktike. Nga ana tjetër, me Murinjon në vitin e tretë gjërat nuk shkuan edhe aq mirë. Megjithatë, në stërvitje tregohej pozitiv dhe i lajmëronte lojtarët e tjerë të mos ndërhynin ashpër ndaj meje.

Talenti? Unë mendoj se vetëm Lionel Mesi është më i talentuar se unë. Sigurisht, edhe Cristiano Ronaldo është në një nivel shumë të lartë, por unë flas vetëm për talentin, mendoj se kam më shumë se CR7. Mund të bëja më shumë në karrierë, por nuk kam pasur vullnetin e duhur. Statistikat nuk më kanë interesuar kurrë.

Transferimi te Real Madrid shkoi keq. Ndonjëherë dëmtohesha sapo zgjohesha nga gjumi. Trupi im ishte shumë i lodhur dhe nuk po arrija ta qetësoja. Me erdhi keq që zhgënjeva tifozët”, është shprehur Eden Hazard.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga