Tirana dhe Partizani do të luajnë ditën e pretme javën e 6-të të kampionatit shqiptar, por kjo është një ndeshje ndryshe, pasi luhet derbi më i madh në vend. Në lidhje me këtë sfidë, bardheblutë e luajnë si vendas dhe u takon atyre për çmimet e biletave në stadium.
Në fakt, duke ditur rëndësinë e ndeshjes, ajo që bie në sy janë çmimet që mund t'i quajmë të lira, sepse me 400 lekë të reja mund ta shohësh ndeshjen nga "Selman Stermasi". Ndërkohë kujtojmë që disa kohë më parë biletat kanë qenë më të shtrenjta, duke shkuar deri në 600 lekë apo më shtrenjtë akoma.
Ndërsa në tribunat A1, A2 dhe B1 dhe B2, pra tribuna Vip kushton 2 000 lekë të reja. Mbetet të shihet me shumë interes se si do të përfundojë ky derbi, pasi pavarësisht objektivave, në këtë 90 minutësh nuk merret parasysh asgjë, sepse vlen vetëm fitorja.
Lexo gjithashtu
